Azərbaycan Mərkəzi Bankı (AMB) maliyyə bazarlarına nəzarət üzrə avtomatlaşdırılmış Vahid Nəzarət və Monitorinq sisteminin yaradılması ilə bağlı açıq tender keçirir.
“APA-Economics”in AMB-yə istindən verdiyi xəbərə görə, tender proseduru27 may 2020-ci il saat 15:00-da Mərkəzi Bankın inzibati binasında(Bakı şəhəri, R. Behbudov küçəsi,90) keçiriləcək.
İddiaçılar tender təklifini və təklifin bank təminatını 22 may 2020-ci il saat 18:00-a qədər , digər tələb olunan sənədləri isə ən geci 13 may 2020-ci il saat 18:00-a qədər AMB-yə təqdim etməlidirlər.
İddiaçılar tenderdə iştirak haqqı kimi AMB-nin hesabına 500 manat məbləğində vəsait köçürməlidirlər.
Maliyyə bazarlarına nəzarət sistemi tender üzrə satınalma müqaviləsi imzalandığı gündən ən geci 2 il müddətində təhvil verilməlidir.
Tenderdə iştirak etmək istəyən hər bir şəxs iştirak haqqının ödənilməsi barədə bank arayışını təqdim edərək AMB-nin binasından tenderin əsas şərtlər toplusunu əldə edə bilər. Tenderin əlaqələndirici şəxsi informasiya texnologiyaları departamentinin əməkdaşı Elman Muradovdur(Tel: 493-11-22 (499), faks: 493-55-41, ünvanı: [email protected])
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
