BFB-də AMB-nin 100 mln. manatlıq notları yerləşdirilib

BFB-də AMB-nin 100 mln. manatlıq notları yerləşdirilib
  • Clock-gray 15:14
  • calendar-gray 22 Yanvar 2021

Bakı Fond Birjasında (BFB) Azərbaycan Mərkəzi Bankının (AMB) 50400589S dövlət qeydiyyat nömrəli, 100 mln. manat həcmində, 252 gün tədavül müddətli qısamüddətli notlarının yerləşdirilməsi üzrə hərrac keçirilib.

BFB-dən "APA-Economics"ə verilən məlumata görə, AMB-də istiqrazların yerləşdirilməsi üzrə keçirilən hərrac zamanı 7 investor tərəfindən qiymət intervalı 95,3290 (7%) və 96,1307 (5.75%) olan 9 sifariş təqdim edilib. Sifarişlərin nominal qiymətlə ümumi məbləği 222 116 700 manat olub.

AMB-nin qərarına əsasən, notların kəsmə qiyməti 98,8148 manat (6,24%), orta ölçülmüş qiyməti 95,8234 manat (6,23%) müəyyən edilib. Hərrac nəticəsində notların yerləşdirilmiş həcmi 100 mln. manat təşkil edib.

Notların ödəmə tarixi 1 oktyabr 2021-ci ildir.

APA-Economics

Digər xəbərlər