DGK xətti ilə büdcə daxilolmaları 8% azalıb

DGK xətti ilə büdcə daxilolmaları 8% azalıb
  • Clock-gray 12:16
  • calendar-gray 10 Sentyabr 2020

Bu ilin yanvar-avqust ayları ərzində Dövlət Gömrük Komitəsinin (DGK) xətti ilə dövlət büdcəsinə 2 645 300,7 min manat daxil olub ki, bu da ötən ilin müvafiq dövrü ilə müqayisədə 8% azdır.

"APA-Economics"in DGK-yə istinadən verdiyi məlumata görə, hesabat dövründə dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 6,6% azalaraq 647 681,3 min manat təşkil edib.

ƏDV üzrə daxilolmalar isə 4,2% azalaraq 1 883 573,7 min manata bərabər olub. Aksizlər üzrə cari ilin səkkiz ayı ərzində daxilolmalar 51,3% azalaraq 89 906,9 min manat təşkil edib. Yol vergisi üzrə daxilolmaların həcmi 24 138,8 min manat təşkil edib ki, bu da ötən ilin analoji dövründə qeydə alınan göstəricidən 18% azdır.

Bu ilin avqust ayında Komitəsinin xətti ilə dövlət büdcəsinə 285 263,5 min manat həcmində vergi və rüsumlar daxil olub ki, bu da 2019-cu ilin eyni ayı ilə müqayisədə 27,7%, bu ilin iyul ayı ilə müqayisədə isə 16,1% azdır.

Bu ilin avqust ayı ərzində dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 18,2% azalaraq 79 115,2 min manat olub. Bu ilin iyul ayı ilə müqayisədə isə bu göstərici 6% azalıb.

Həmçinin, cari ilin avqust ayı ərzində ƏDV üzrə daxilolmalar ötən ilin eyni ayı ilə müqayisədə 29,4% azalaraq 192 135,6 min manat (bu ilin iyul ayı ilə müqayisədə 20,4% az), aksizlər üzrə 48,7% azalaraq 11 417,7 min manat (iyul ilə müqayisədə 3,4% az), yol vergisi üzrə daxilolmalar isə 26,3% azalaraq 2 595 min manat (iyul ilə müqayisədə 8,6% az) təşkil edib.

Hüseyn Vəliyev

Digər xəbərlər