Növbəti dörd ildə Azərbaycanın qeyri-neft sektoruna 59 mlrd. manata yaxın investisiya yatırılacaq

Növbəti dörd ildə Azərbaycanın qeyri-neft sektoruna 59 mlrd. manata yaxın investisiya yatırılacaq
  • Clock-gray 10:45
  • calendar-gray 25 Dekabr 2020

2021-2024-cü illərdə Azərbaycanın qeyri-neft sektoruna 58,818 mlrd. manat həcmində investisiya yatıracağı proqnozlaşdırılır.

"APA-Economics"in məlumatına görə, bu, 2021-ci il üçün büdcə zərfinə daxil olan "Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri"ndə əksini tapıb.

Qeyd edilir ki, 2021-ci ildə sözügedən sektora 11,449 mlrd. manat həcmində gözlənən investisiyaların həcminin 2022-ci ildə 12,079 mlrd. manat, 2023-cü və 2024-cü illərdə isə müvafiq olaraq 13,680 mlrd. manat və 15,610 mlrd. manat təşkil edəcəyi proqnozlaşdırılır.

Faktiki göstəricilərə gəldikdə, 2019-cu ildə qeyri-neft sektoruna yönəldilmiş investisiyaların həcmi 1,9% artaraq 11,695 mlrd. manat, 2020-ci ilin yanvar-noyabr aylarında isə 11% azalaraq 7,504 mlrd. manat olub.

Mirsəid İbrahimzadə

Digər xəbərlər