Azərbaycanın lider həyat sığortası şirkəti olan "PAŞA Həyat Sığorta" ASC yanvar-iyun ayları üzrə maliyyə hesabatını ictimaiyyətə açıqlayıb.
ASC-dən "APA-Economics"ə verilən məlumata əsasən, "PAŞA Həyat" sığorta yığımlarına görə bütün sığorta bazarında yenə də birinci yerdə qərarlaşıb. 2020-ci ilin ilk yarısının nəticələrinə görə, “PAŞA Həyat” topladığı sığorta haqlarının və etdiyi sığorta ödənişlərinin həcmini artırıb. Belə ki, ötən ilin yanvar-iyun ayları ilə müqayisədə yığılmış sığorta haqları 22% artaraq 132 mln. manat, sığorta ödənişləri isə 3 dəfə artaraq 91 mln. manat təşkil edib. Digər tərəfdən, ilin ilk 6 ayında "PAŞA Həyat"ın xalis mənfəəti 6,2 mln. manata çatıb. Şirkətin investisiya fəaliyyətindən əldə etdiyi gəlir isə 13,1 mln. manatadək artıb.
Ölkənin ən dayanıqlı şirkətlərindən olan "PAŞA Həyat" bu il də məcmu aktivlərin həcmini artırmağa nail olub. Belə ki, məcmu aktivlərin həcmi 4% artaraq 2020-ci ilin 30 iyun tarixinə olan nəticəyə əsasən 406 mln. manat təşkil edib.
Bu il 10-illik yubileyinə hazırlaşan "PAŞA Həyat" şirkəti daim müştərilərə ən yaxşı xidmət və rəqəmsal həllər təqdim etməklə yanaşı, yeni məhsulların yaradılması üzərində də çalışır. Şirkət yeni məhsullarla bütün sığorta istəklərinə və tələblərinə cavab verən diversifikasiyalı bazar yaradır və biznes üçün geniş üfüqlər açır.
Mövcud dövrdə əlbəttə ki, hər kəs etibarlı və dayanıqlı həyat sığortası şirkəti axtarışındadır. İstənilən durumda sizin vəsaitiniz əminliklə qorunmalı və sizə gəlir gətirməlidir. Bunun üçün bir neçə üsul var. "PAŞA Həyat"ın müştərisi olmaq ən etibarlı üsullardandır.
Lider sığorta şirkəti – "PAŞA Həyat Sığorta" ASC 2011-ci ilin fevral ayından fəaliyyət göstərir. 31 dekabr 2019-cu il tarixinə şirkətin Nizamnamə kapitalı 40,250 mln. manat təşkil edib. Şirkət müştərilərə müxtəlif həyat sığortası məhsulları, o cümlədən "İstehsalatda bədbəxt hadisələrin icbari sığortası", "Yığım tərkibli yaşam sığortası" məhsullarını təklif edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
