"Rabitəbank" və "Maxi.az" cəbhəyanı bölgələrə dəstək məqsədilə birgə layihəyə başlayıb

"Rabitəbank" və "Maxi.az" cəbhəyanı bölgələrə dəstək məqsədilə birgə layihəyə başlayıb
  • Clock-gray 10:20
  • calendar-gray 15 Dekabr 2020

Vətən müharibəsi dövründə düşmənin qəddarlığından ən çox zərər çəkənlər arasında Bərdə, Tərtər, Gəncə, Şəmkir, Tovuz kimi cəbhəyanı bölgələrdə yaşayan sakinlər oldu. Bu səbəbdən Azərbaycanın aparıcı banklarından biri “Rabitəbank” və ölkənin ən böyük pərakəndə şəbəkələrindən biri “Maxi.az” şirkəti cəbhəyanı bölgələrə dəstək məqsədilə birgə əməkdaşlıq layihəsi həyata keçirirlər.

Layihə çərçivəsində cəbhəyanı bölgələrdə yaşayan və rəsmi iş yeri olan vətəndaşlar üçün “Rabitəbank” nağd pul kreditinin şərtləri sadələşdirdi. Belə ki, illik 18% ilə nağd pul krediti əldə etmək istəyən sakinlər heç bir komissiya və sığorta haqqı ödəməyəcəklər. Kreditin maksimal müddəti 36 ay təşkil edir. Kampaniyadan faydalanan vətəndaşlara həmçinin kreditin ödənilməsi üçün 3 ay güzəşt müddəti də verilir. Xüsusi güzəştli nağd pul krediti yalnız “Maxi.az”ın cəbhəyanı filiallarında alış-veriş etmək üçün ayrılır.

Kampaniyaya müraciət etmək istəyən cəbhəyanı bölgə sakinləri “Rabitəbank”ın Ağcabədi, Şəmkir və Gəncə filiallarına yaxınlaşa bilərlər. Kampaniya haqqında daha ətraflı məlumatı Bankın 133 Çağrı Mərkəzi ilə əlaqə saxlayaraq əldə etmək mümkündür.

APA-Economics

Digər xəbərlər