"Toyota"nın xalis mənfəəti 45% azalıb

"Toyota"nın xalis mənfəəti 45% azalıb
  • Clock-gray 11:20
  • calendar-gray 06 Noyabr 2020

Yaponiyanın "Toyota Motor Corp." avtomobil konserninin xalis mənfəəti 2020-2021-ci maliyyə ilinin ilk yarısında (sentyabrın 30-da başa çatıb) 629,37 mlrd. yen (6,03 mlrd. ABŞ dolları) təşkil edib ki, bu da illik ifadədə 45,3% azdır.

"APA-Economics"in məlumatına görə, bu barədə şirkətin maliyyə hesabatında deyilir.

Qeyd olunub ki, hesabat dövründə səhm üzrə seyrəltilmiş mənfəət son maliyyə ilinin ilk yarısındakı 403,51 yenə (3,87 dollar) qarşı 223,81 yen (2,15 dollar) olub. Şirkətin gəlirləri illik ifadədə 25,9% azalaraq 11,375 trln. yenə (109 mlrd. dollar), əməliyyat mənfəəti isə 2,7 dəfə azalaraq 519 mlrd. yenə (4,98 mlrd. dollar) enib.

Maliyyə ilinin ilk yarısında "Toyota" 3,086 mln. avtomobil realizə edib ki, bu da bir il əvvələ nisbətən 50% azdır.

Maliyyə ilinin II rübünün nəticələrinə görə, "Toyota"nın xalis mənfəəti əvvəlki ilin eyni dövrü ilə müqayisədə 11,3% azalaraq 470,5 mlrd. yenə (4,5 mlrd. dollar) bərabər olub. Səhm üzrə seyrəltilmiş mənfəət bir il əvvəlki 187,12 yenə (1,79 dollar) qarşı 166,68 yen (1,6 dollar) olub. Şirkətin rüblük gəlirlər 11,3% azalaraq 6,774 trln. yen (65 mlrd. dollar), əməliyyat mənfəəti isə 23% azalaraq 506,061 mlrd. yen (4,8 mlrd. dollar) təşkil edib.

Eyni zamanda, "Toyota" şirkəti cari maliyyə ilində avtomobil satışlarına dair proqnozunu əvvəlki proqnozdakı 7,2 mln-dan 7,5 mln-dək yaxşılaşdırıb.

Şirkət həmçinin, gəlir və xalis mənfəət üzrə proqnozlarını da yaxşılaşdırıb. "Toyota" 24 trln. yen (230 mlrd. dollar) deyil, 26 trln. yen (249 mlrd. dollar) gəlir əldə edəcəyini proqnozlaşdırır. Xalis mənfəət proqnozu isə təxminən iki dəfə artırılıb – 730 mlrd. yendən (7 mlrd. dollar) 1,42 trln. yenədək (13,6 mlrd. dollar).

Qeyd edək ki, "Toyota Motor Corp." şirkəti "Toyota Group"un ən böyük bölməsidir və Yaponiya avtomobil sənayesinin lideridir. Şirkət 1937-ci ildə təsis olunub, baş qərargahı Ayti prefekturasının Toyota şəhərində yerləşir.

APA-Economics

Digər xəbərlər