Rusiyanın Federal Təhlükəsizlik Xidməti Başqırdıstanda terror aktı törətməyi planlaşdıran radikal İslamçını saxlayıb.
APA-nın "RİA Novosti"yə istinadən verdiyi xəbərə görə, bu barədə Federal Təhlükəsizlik Xidmətinin mətbuat xidməti məlumat yayıb.
Bildirilir ki, hüquq-mühafizə orqanlarının əməkdaşları silahlı hücum planlaşdıran, 1995-ci il təvəllüdlü Rusiya vətəndaşını saxlayıb. Saxlanılan şəxs terror aktı törətməyi planlaşdırdığını etiraf edib. Onun qaldığı yerdən silah və kustar üsulla hazırlanmış partlayıcı hissələr aşkarlanaraq götürülüb. Saxlanılan şəxsin "Həyat Təhrir əş-Şam" terror qruplaşması ilə yazışdığı və onlaradan təlimatlar aldığı müəyyən edilib.
"Həyat Təhrir əş-Şam" Suriyada vətəndaş müharibəsində iştirak edən əsas radikal islamçı qruplardan biridir. Bu terror qruplaşması 2017-ci ildə Cəbhat Fəth Şamın (Cəbhət ən-Nusra) əsasında yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
