Belarus səfiri Aleksandr Konyuk Ermənistan Xarici İşlər Nazirliyinə (XİN) çağırılıb.
APA "Sputnik Armenia"ya istinadən xəbər verir ki, bu barədə Ermənistan XİN-in mətbuat xidməti məlumat yayıb.
Bildirilib ki, diplomat Belarus xarici işlər naziri Vladimir Makeyin ABŞ Konqresinin Nümayəndələr Palatasının spikeri Nensi Pelosinin Ermənistana səfəri ilə bağlı fikirləri ilə əlaqədar Nazirliyə dəvət olunub.
Belarus səfirinə Makeyin bəyanatı ilə bağlı Ermənistan tərəfinin narahatlığı çatdırılıb.
Qeyd edək ki, Belarusun xarici işlər naziri Vladimir Makey ABŞ Nümayəndələr Palatasının spikeri Nensi Pelosinin Ermənistana səfərinin mövcud münaqişələri daha da gərginləşdirdiyini bildirib.
Xatırladaq ki, Pelosi sentyabrın 17-dən 19-dək Ermənistanda səfərdə olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
