“Azərbaycan Dəmir Yolları” QSC (ADY) ümummilli lider Heydər Əliyevin anadan olmasının 101-ci ildönümü münasibətilə inzibati binada qanvermə aksiyası təşkil edib.
Bu barədə “APA-Economics” “Azərbaycan Dəmir Yolları” QSC-yə istinadən xəbər verir.
“Xoşməramlılıq dəyərimizdən yola çıxaraq Mərkəzi Qan Bankı ilə birgə keçirdiyimiz aksiyada ADY-nin müxtəlif xidmət sahələrindən onlarla əməkdaş fəal iştirak edib”, - ADY-nin məlumatında qeyd olunur.
Qanvermə aksiyasının əsas məqsədi talassemiya və hemofiliya kimi qan azlığı xəstəliklərindən əziyyət çəkən insanlara dəstək olmaqdır.