Gürcüstan müsəlmanları Qurban bayramını qeyd edirlər.
APA-nın yerli bürosu xəbər verir ki, Tbilisidə yerləşən Cümə məscidində bu gün səhər saat 06:50-da bayram namazı qılınıb. Gürcüstan müsəlmanları İdarəsinin müftisi Yasin Əliyev APA-ya bildirib ki, bayram çərçivəsində Türkiyədən 215 baş iribuynuzlu heyvan göndərilib. Bunlardan 200 baş Türkiyə Diyanət İşləri Başqanlığı, 15 baş isə Türkiyə "Qızılay"ı tərəfindən hədiyyə olunub.
Qurbanlıq heyvanların 135-i azərbaycanlıların kompakt yaşadığı Şərqi Gürcüstanda, 65-i isə Acarıstan ərazisində kəsiləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
