Rusiya Prezidenti Vladimir Putin və Roma Papası Fransisk arasında görüşlə bağlı heç bir razılaşma yoxdur.
APA-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.
"Belə təşəbbüslər diplomatik xidmətlər vasitəsilə göndərilir. Görüşlərlə bağlı heç bir razılaşma yoxdur və əldə olunmayıb", - Kremlin sözçüsü vurğulayıb.
Peskov bu məsələ ilə bağlı heç bir təşəbbüsün elan olunmadığını da qeyd edib. O, belə bir görüşün keçirilməsinin zəruriliyini dəyərləndirməyib.
Qeyd edək ki, Roma Papası “Corriere della Sera” qəzetinə müsahibəsində Ukraynadakı münaqişənin həllinə kömək məqsədilə Putinlə görüşmək üçün Moskvaya getməyə hazır olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
