Moskvada COVİD amnistisyası elan olunub
Moskva hakimiyyəti koronavirus məhdudiyyətlərini pozduğuna görə ödənilməmiş cərimələrin yığılmasını dayandıracaq.
APA-nın Moskva müxbirinin məlumatına görə, bu barədə mer Sergey Sobyaninin bloqunda məlumat verilib.
Şəhər hökuməti həmçinin sakinlərə, fərdi sahibkarlara və hüquqi şəxslərə artıq ödənilmiş cərimələrə görə kompensasiya ödəyir.
COVID-19 xəstəliyi zamanı evdə izolyasiya rejiminə əməl edilməməsi istisna olmaqla, bütün COVID-19 məhdudiyyətlərinin pozulmasına görə Moskvanın icra hakimiyyəti orqanları və onların tabeliyində olan qurumlar tərəfindən tətbiq edilən cərimələr kompensasiya edilir.
Covid amnistiyası iyunun 1-dən qüvvəyə minir. Hökumət proqramının həcmi 13,6 milyard rubl olaraq qiymətləndirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
