Rusiya Hidrometeorologiya Mərkəzi istilərlə əlaqədar Moskvada hava şəraitinin “narıncı” səviyyədə təhlükəli olduğunu açıqlayıb.
APA gazeta.ru-ya istinadən xəbər verir ki, "Moskvada bəzi yerlərdə + 30 ... 32 ° C-ə qədər güclü isti gözlənilir".
Xəbərdarlıq Moskva vaxtı ilə bu gün saat 12.00-dan 18.00-dək qüvvədə olacaq.
Bundan əvvəl YUNESKO-nun himayəsi altında Dayanıqlı Enerjinin İnkişafı üzrə Beynəlxalq Mərkəzin eksperti Mixail Yulkin xəbərdarlıq etmişdi ki, Avropada yaranmış anomal istilər Moskvaya da çata bilər. Onun sözlərinə görə, bu ehtimal kifayət qədər sürətlə artır, çünki Rusiya Federasiyasında havanın temperaturu Avropa ilə müqayisədə iki yarım dəfə tez isinir.
Bundan əvvəl ekspertlər avqustun əvvəlində Rusiya regionları üçün atipik istilərin başlanacağını proqnozlaşdırmışdılar. Rusiyanın bir çox bölgələrində anomal hava şəraiti müşahidə olunacaq, lakin Sibirdə daha çox nəzərə çarpacaq. Avqustun əvvəlində ölkənin bu bölgəsinə kəskin istilər gələcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
