Qazaxıstanın uşaq bağçalarında rusdilli qrupların bağlanması məsələsi heç vaxt qaldırılmayacaq.
APA xəbər verir ki, bunu Qazaxıstanın təhsil naziri Qani Beysembayev jurnalistlərə müsahibəsində bildirib.
“Biz sadəcə olaraq dövlət dilində tədrisi gücləndiririk”, - deyə nazir vurğulayıb.
Nazir qeyd edib ki, ölkədə 11 mindən çox uşaq bağçası var, onların yarısı dövlət bağçasıdır.
“Bu gün qazax dilində olan uşaq bağçalarına tələbat artır. Ona görə də nazirlik bütün dövlət bağçalarında qazax dilində tədris aparılması imkanlarını nəzərdən keçirir”, - Beysembayev əlavə edib.