“Saxurlar” və “Qoşqar Əhmədov” sənədli televiziya filmlərinin çəkilişi başa çatıb
12 noyabr 2008 12:53 (UTC +04:00)
Bakı. Kəmalə Quliyeva - APA. “Azərbaycantelefilm” Yaradıcılıq Birliyində “Saxurlar” və “Qoşqar Əhmədov” adlı sənədli televiziya filmlərinin çəkilişi başa çatıb. Bu barədə APA-ya Azərbaycan Teleradio Verilişləri QSC-nin mətbuat xidmətindən məlumat verilib. Tarixi-etnoqrafik xarakter daşıyan “Saxurlar” filmində Azərbaycanda yaşayan bu milli azlığın keçmişi, məişəti, adət-ənənəsi, müasir həyat tərzi, etnik xüsusiyyətləri əksini tapıb. Film Qax rayonunun Qum və Çinarlı, Zaqatala rayonunun Suvagil kəndlərində lentə alınıb. Filmin ssenari müəllifi Camal Yusifzadə, rejissoru Cahangir Mehdiyev, operatoru Adil Abbasovdur.
“Qoşqar Əhmədov” filmi isə görkəmli riyaziyyatçı alim, AMEA-nın müxbir üzvü Qoşqar Əhmədovun həyat və yaradıcılığına həsr olunub. Q. Əhmədov 70-dən çox elmi əsərin müəllifi, 60-dan artıq namizədlik və doktorluq dissertasiyasının elmi rəhbəri olub. Filmin çəkilişi Bakıda və Gədəbəydə aparılıb. Filmin ssenari müəllifi Eldar İsgəndərzadə, rejissoru Vasif Məmmədzadə, operatoru Mahir Cahangirovdur.
“Qoşqar Əhmədov” filmi isə görkəmli riyaziyyatçı alim, AMEA-nın müxbir üzvü Qoşqar Əhmədovun həyat və yaradıcılığına həsr olunub. Q. Əhmədov 70-dən çox elmi əsərin müəllifi, 60-dan artıq namizədlik və doktorluq dissertasiyasının elmi rəhbəri olub. Filmin çəkilişi Bakıda və Gədəbəydə aparılıb. Filmin ssenari müəllifi Eldar İsgəndərzadə, rejissoru Vasif Məmmədzadə, operatoru Mahir Cahangirovdur.
Mədəniyyət siyasəti
Bakıda VI Ümumdünya Mədəniyyətlərarası Dialoq Forumu keçiriləcək
13:04
26 aprel 2024
Dövlət Xidməti: Bakıda reklam lövhəsi vurulan tarixi binaya təkrar baxış keçiriləcək
15:35
25 aprel 2024
Heydər Əliyev Mərkəzində Qırğızıstanın incəsənət ustalarının konsert proqramı təşkil olunub - FOTO
19:50
24 aprel 2024
Heydər Əliyev Mərkəzində Qırğızıstan sənət nümunələrinin sərgisi açılıb - FOTO - YENİLƏNİB
19:07
24 aprel 2024