Mədəniyyət nazirinin müavini Xırdalanda vətəndaşlarla görüşüb

Mədəniyyət nazirinin müavini Xırdalanda vətəndaşlarla görüşüb
  • Clock-gray 16:00
  • calendar-gray 23 Yanvar 2020

Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə əsasən, yanvarın 23-də Azərbaycan Respublikası Mədəniyyət nazirinin müavini Rafiq Bayramov Xırdalan şəhərində Abşeron və Zəngilan rayonlarından olan vətəndaşlarla görüşüb.

Mədəniyyə Nazirliyindən APA-ya verilən məlumata görə, qəbuldan öncə Heydər Əliyevin abidəsi ziyarət olunub, abidənin önünə çiçək dəstələri düzülüb.

Xırdalan şəhərindəki Heydər Əliyev Mərkəzində keçirilən qəbulda vətəndaşlar tərəfindən Xırdalan şəhər 11 illik Musiqi məktəbinin incəsənət məktəbinə çevrilməsi, uşaq musiqi və incəsənət məktəblərinin şagirdləri üçün klassik musiqi konsertlərinin təşkili, Zəngilan rayon Mərkəzi Kitabxanasına Azərbaycan və dünya ədəbiyyatı, eləcə də ali məktəb dərsliklərinin verilməsini diqqətə çatdırıblar.

Həmçinin Zəngilan Rayon Tarix-Diyarşünaslıq Muzeyinə sensor vitrinlərin verilməsi, Zəngilan kənd klubunun ərazisində açıq səhnənin qurulması, Saray qəsəbəsində Mədəniyyət evinin tikilməsi, işlə təmin olunma və digər məsələlərlə bağlı nazir müavininə müraciət edilib.

Vətəndaşlar tərəfindən səsləndirilən bütün müraciətlər dinlənilib, qaldırılan bir sıra məsələlər yerində həllini tapıb. Bəzi müraciətlərin operativ araşdırılması və qanunvericiliyə uyğun həll olunması məqsədilə müvafiq tapşırıqlar verilib.

 

apa-logo-mini

Digər xəbərlər

Arxiv

date