APA informasiya agentliklərinin Sankt-Peterburqda keçirilən sammitində təmsil olunub

APA informasiya agentliklərinin Sankt-Peterburqda keçirilən sammitində təmsil olunub
  • Clock-gray 14:46
  • calendar-gray 24 May 2018

Sankt-Peterburqda informasiya agentliklərinin sammiti keçirilib.

 

APA-nın Rusiya bürosunun məlumatına görə, Sankt-Peterburq Beynəlxalq İqtisadi Forumu çərçivəsində keçirilən sammitdə dünyanın 30-a yaxın aparıcı informasiya agentliklərinin rəhbərlikləri və nümayəndələri iştirak ediblər.

 

TASS İnformasiya agentliyinin təşkilatçılığı ilə keçirilən sammitə ABŞ, Azərbaycan, Belarus, Ermənistan, Bolqarıstan, Böyük Britaniya, Vyetnam, Almaniya, Misir, İran, İspaniya, İtaliya, Yaponiya və digər ölkələrin aparıcı xəbər agentliklərinin nümayəndələri qatılıblar.

 

Sammitin moderatorları TASS İnformasiya Agentliyinin baş direktor müavini Mixail Qusman və Britaniyanın “Press Association” agentliyinin icraçı direktoru Klayv Marşal olub.

 

Azərbaycanı sammitdə AZƏRTAC Dövlət İnformasiya Agentliyi, APA və “Report” informasiya agentlikləri təmsil edib.

 

“Gələcəyin jurnalistikası” şüarı altında keçirilən sammitdə müzakirə edilən mövzulardan biri feyk (uydurma) məlumatların yayılmasının qarşısını almaq üçün mexanizmlərin yaradılması olub. TASS agentliyinin baş direktoru Sergey Mixaylov media resurslarında feyk məlumatların yayılmasının qarşısını almaq üçün mexanizmlərin yaradılmasının vacibliyini vurğulayıb: “Çoxdandır ki, KİV-lər sosial şəbəkələrdən informasiya mənbəyi kimi istifadə edir. İstifadəçilər bir çox hadisələr haqqında məlumatı KİV-dən daha tez sosial şəbəkələrdən alırlar. Sosial şəbəkələri inkar etmək mümkün deyil, düzgün də deyil. Peşəkar medianın vəzifəsi sosial şəbəkələrdən maksimum xeyir götürməyi öyrənməkdir”.

 

Fərid Əkbərov

Digər xəbərlər

Arxiv

date