Minskdə keçirilən II Avropa Oyunlarında kişi stend atıcılarının skit yarışları başlayıb.
APA-nin Minskə ezam olunmuş əməkdaşının məlumatına görə, 29 iştirakçı təsnifat mərhələsinin ilk günündə qüvvəsini sınayıb.
Azərbaycan yığmasının üzvü Emin Cəfərov da sərrastlığını yoxlayıb. 65 xal toplayan snayperimiz ilk günü 27-ci yerdə başa vurub. O, yalnız iki rəqibini qabaqlayıb.
Təsnifat mərhələsinin ilk gününün qalibi Tomas Nidrle olub. Çexiyalı 74 xal toplaya bilib.
Qeyd edək ki, təsnifat mərhələsinə sabah yekun vurulacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
