"AvtoVAZ" 9 mindən çox avtomobili geri çağırır

"AvtoVAZ" 9 mindən çox avtomobili geri çağırır
  • Clock-gray 14:39
  • calendar-gray 15 Fevral 2021

Rusiyanın "AvtoVAZ" şirkəti 2019-cu ilin yanvar-may aylarında istehsal olunan 9 311 "Lada Xray" avtomobil modelini geri çağırır.

"APA-Economcis" xəbər verir ki, bu barədə Rusiyanın Federal Texniki Tənzimləmə və Metrologiya Agentliyinin ("Rosstandart") açıqlamasında deyilir.

Qeyd olunur ki, nəqliyyat vasitələrinin geri çağırılmasına səbəb elektromexanik sükan valının qaynaq tikişinin zədələnməsidir.

İstehsalçının səlahiyyətli nümayəndələri təmir işləri üçün avtomobili ən yaxın diler mərkəzinə verilməsinin zəruriliyi barədə geri çağırılan nəqliyyat vasitələrinin sahiblərini məlumatlandıracaqlar. Təmir işləri təmənnasız həyata keçiriləcək.

"AvtoVAZ"ın Azərbaycandakı baş idxalatçısı və rəsmi distributoru olan "Xəzər Lada"dan "APA-Economics"ə bildirilib ki, qeyd olunan tarixlərdə istehsal olunan avtomobillərin ölkəyə idxal olunmadığını nəzərə alaraq, geri çağırılma kampaniyası daxili bazara aid deyil.

Hüseyn Vəliyev

Digər xəbərlər