Bu ilin yanvar-fevral ayları ərzində Gürcüstandan Azərbaycana 27 906,1 min ABŞ dolları dəyərində 4 292 minik avtomobili ixrac edilib.
APA-nın yerli bürosu xəbər verir ki, bu barədə Gürcüstan Milli Statistika idarəsinin hesabatında qeyd olunub.
Bildirilib ki, ötən ilin eyni dövrü ilə müqayisədə ixrac edilən avtomobillərin sayı 2 282 vahid və ya 34,7%, dəyəri isə 2,3 dəfə azalıb. Belə ki, 2020-ci ilin yanvar-fevral ayları ərzində Gürcüstandan Azərbaycana 63 811,2 min dollar dəyərində 6 574 minik avtomobili ixrac edilib.
Cari ilin yanvar-fevral aylarında Gürcüstandan Azərbaycana 376 yük maşını ixrac edilib ki, bunların da ümumi dəyəri 2 442,9 min dollar olub. Bu göstərici ötən ilin analoji dövrü ilə müqayisədə dəyər baxımından 116,4 min dollar və ya 5%, say baxımından isə 36 vahid və ya 10,5% artıb.
Hesabat dövründə Gürcüstandan Azərbaycana 318,4 min dollarlıq 19 traktor ixrac edilib ki, bu da dəyər və say baxımından ötən illə müqayisədə 3 dəfə çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
