Xaçmazda Biznes İnkubasiya Mərkəzi yaradılır

Xaçmazda Biznes İnkubasiya Mərkəzi yaradılır
  • Clock-gray 12:34
  • calendar-gray 13 Fevral 2020

Yaxın günlərdə Xaçmaz KOB Evində fəaliyyət göstərən KOB İnkişaf Mərkəzində gənclər və qadınlar üçün biznes inkubasiya mərkəzi fəaliyyətə başlayacaq.

APA-Economics”in İqtisadiyyat Nazirliyinə istinadən verdiyi məlumata görə, Biznes İnkubasiya Mərkəzi Quba-Xaçmaz iqtisadi rayonunda sahibkarlıq təşəbbüslərinin dəstəklənməsi, yeni biznes və məşğulluq imkanlarının yaradılması, sahibkarlara göstərilən dövlət dəstəyi tədbirlərinin əhatə dairəsinin daha da genişləndirilməsi məqsədilə yaradılır. Burada rezidentlərə biznes layihələrin hazırlanması, maliyyə resurslarına çıxış imkanları və maliyyənin idarə olunması, mentor və digər xidmətlər göstəriləcək.

Qeyd edək ki, İqtisadiyyat Nazirliyinin tabeliyində Kiçik və Orta Biznesin İnkişafı Agentliyi tərəfindən ötən ilin dekabr ayında inkubasiya iştirakçılarının seçilməsi məqsədilə müsabiqə elan edilib, istehsal və xidmət sahələri üzrə 35 rezident seçilib. Rezidentlər biznes inkubasiya mərkəzində güzəştli şərtlərlə zəruri avadanlıqlarla təchiz edilmiş işçi otaqlarla təmin olunacaq və onlara mərkəzin xidmətlərindən hər cür faydalanmaq imkanı yaradılacaq.

APA-Economics

Digər xəbərlər