“Qazprom"un törəmə şirkətləri olan “Nord Stream AG” (“Şimal Axını”) və “Nord Stream 2 AG” (“Şimal Axını-2”) Almaniyanın Federal Şəbəkə Agentliyinə (BNetzA) müraciət edərək, onları Avropa İttifaqının yenilənmiş qaz direktivinin təsirindən çıxarılmasını xahiş edib.
“APA-Economics”in Rusiya mətbuatına istinadən verdiyi məlumatına görə, operatorlar müraciətlərdə qeyd ediblər ki, əgər söhbət Almaniyada investorların qorunmasından gedirsə, Avropa qaydalarında istisna etmək mümkündür.
Qeyd edək ki, ötən ilin dekabrın 12-dən qüvvəyə minən dəyişikliklərə əsasən, üçüncü enerji paketinin normaları “Şimal Axını-2” qaz kəmərinin Almaniya sahillərindən 12 dəniz mili hissəsinə (sonuncu hissəsi) qarşı tətbiq olunacaq.
Xatırladaq ki, “Şimal axını-2” layihəsi Rusiya sahillərindən Baltik dənizi ilə Almaniyaya qədər, illik gücü 55 mlrd. kubmetr olan iki qaz xəttinin inşasını nəzərdə tutur.