ABŞ-ın Energetika Nazirliyi yanında Energetika İnformasiyası Agentliyi (EIA) Azərbaycanda 2020-ci il üçün gündəlik neft və digər maye karbohidrogenlərin hasilatı üzrə proqnozunu dəyişib.
"APA-Ecocomics"in EIA-yə istinadən verdiyi məlumata görə, bu il Azərbaycanda orta gündəlik neft və digər maye karbohidrogenlər hasilatı 700 min barel səviyyəsində olacaq ki, bu da ötən proqnozla müqayisədə 10 min barel azdır.
Bununla yanaşı, EIA Azərbaycanın 2021-ci ildə neft hasilatı üzrə proqnozunu da azaldıb. Belə ki, gələn il Azərbaycanda gündəlik neft və digər maye karbohidrogenlərin hasilatı 720 min barel təşkil edəcək (noyabr ayı üçün verilən proqnoza görə, bu göstərici 730 min barel təşkil etməli idi).
EIA-in göstəricilərinə əsasən, ötən il Azərbaycanda ortalama gündəlik neft hasilatı 780 min barel olub.
