Bu ilin yanvar-fevral ayları ərzində Gürcüstan Azərbaycandan 299,7 mln. kVt-saat elektrik enerjisi idxal edib.
APA-nın yerli bürosu xəbər verir ki, bu barədə Gürcüstan Elektrik Sisteminin Kommersiya Operatorunun (ESCO) hesabatında bildirilib.
Qeyd olunub ki, bu göstərici illik ifadədə 16,7% çoxdur. Hesabat dövründə Gürcüstan ümumilikdə 827,8 mln. kVt-saat elektrik enerjisi idxal edib ki, bunun da 36,2%-i Azərbaycanın payına düşüb. Bu il Gürcüstanın əsas elektrik enerjisi tədarükçüsü Rusiya olub – 521 mln. kVt-saat.