Türkiyə və Azərbaycan Cənub-Şərqi Avropa ölkələrinin təbii qaza əlavə tələbatlarını hansı şəkildə qarşılaya bilinməsinə dair işlər aparır.
APA-nın İstanbul müxbiri xəbər verir ki, bu barədə Türkiyə xarici işlər naziri Mövlud Çavuşoğlu İtaliya Baş nazirinin müavini, xarici işlər naziri Antonio Tayani ilə Ankarada birgə mətbuat konfransı zamanı jurnalistlərin sualına cavab olaraq bildirib.
O qeyd edib ki, bununla bağlı iki ölkə TAP və TANAP-ın ötürmə qabiliyyətinin artırılmasına çalışır.
“Hətta Azərbaycanın da xeyrinə olacaq şəkildə Türkmənistan qazının da bu sistemə bağlanmasını müzakirə edirik. Bu məsələ də Avazada keçirilən Azərbaycan-Türkiyə-Türkmənistan liderlərinin Zirvə görüşü çərçivəsində qiymətləndirilib”, - nazir vurğulayıb.
Onun sözlərinə görə, bununla bağlı Rusiyanın təklifi olsa da (Türkiyədə Rusiya təbii qazının tədarükü üçün mərkəzin yaradılması-red.), lakin bu təklifin Avropaya aid olması səbəbi ilə onlar tərəfindən müvafiq tələbin olması zəruridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
