Bu ilin yanvar-avqust aylarında Urals markalı (Rusiyanın ixrac markası) neftin orta qiyməti bir barel üçün 64,54 dollar təşkil etdi, bu da ötən ilin müvafiq dövrü ilə müqayisədə 7,4% azdır.
“APA-Economics”in Rusiyanın Maliyyə Nazirliyinə istinadən verdiyi məlumata görə, 2018-ci ilin yanvar-avqust aylarında Urals markalı neftin orta qiyməti 69,73 dollar təşkil edib. Beləliklə, cari ildə qiymət 7,4% və ya 5,19 dollar azalıb.
Ötən ilin nəticələrinə görə, Urals markalı neftin orta qiyməti 32% artaraq bir barel üçün 70,01 dollara çatmışdı.