Tap.az saytında qaz sayğacı satmaq istəyən şəxs saxlanılıb.
“Azəriqaz” İstehsalat Birliyinin İctimaiyyətlə Əlaqələr şöbəsinin rəisi Eldəniz Vəliyev “APA-Economics”ə bildirib ki, yanvarın 18-də sözügedən saytda “Azəriqaz” İstehsalat Birliyinə məxsus qaz sayğacı satışa çıxarılıb.
“Məsələdən xəbərdar olan Birlik rəhbərliyinin müraciətinə adekvat olaraq, Sabunçu Rayon Polis İdarəsinin 13-cü Polis Bölməsinin əməkdaşları dərhal hərəkətə keçib. Araşdırma nəticəsində məlum olub ki, sayğacı satışa çıxaran şəxs Nərmin adlı xanımdır. O, əməliyyat nəticəsində saxlanılıb. İnanırıq ki, məsələ hüquqi həllini tapacaq”, - deyə E. Vəliyev qeyd edib.
O, “Azəriqaz” İB-nin vətəndaşları bu kimi hallardan çəkinməyə çağırdığını da vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
