Dekabrın 22-dən Rusiyanın "Qazprom" şirkətinin istehsalat kompleksi anomal soyuq hava şəraiti ilə əlaqədar payız-qış mövsümünün maksimum göstəriciləri rejimində fəaliyyət göstərir.
"APA-Economics"in "Qazprom"a istinadən verdiyi məlumata görə, Rusiyanın yeraltı anbarlarından qazın çıxarılması üzrə göstərici son 5 ilin maksimumu səviyyəsindədir.
Bildirilir ki, Vahid Qaz Təchizat Sisteminin fəaliyyət göstərdiyi rayonlarda sutka ərzində anomal havanın temperaturu orta hesabla –17°C səviyyəsində qeydə alınır.
Həmçinin qeyd edir ki, Rusiya istehlakçılarına qaz tədarükü sutkada 1 656 mln. kubmetrə çatıb.
Bundan əlavə, dekabrın 23-də Rusiyadan Çinə gündəlik qaz nəqli üzrə tarixi rekord qeydə alınıb. Avropalı istehlakçılara isə qaz tədarükü hazırkı müqavilə öhdəliklərinə uyğun olaraq tam həcmdə müraciətlər əsasında həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
