Sosial

Ana səhifə

Sosial

Hidrometeorologiya Elmi Tədqiqat İnstitutunun direktoru Rza Mahmudov: “Həmişə qlobal istiləşmədən sonra soyuqlaşma dövrü başlayır”

20 iyun 2008 12:07 (UTC +04:00)

Bakı. İlhamə İsabalayeva - APA. “Temperaturun hər il artımı qeydə alınır. Amma temperatur artımının fəsillər üzrə aparılan təhlilləri göstərir ki, bütün fəsillərdə temperatur artsa da, yaz fəslində bu artım sıfıra yaxınlaşır və müşahidə edilmir”. APA-nın məlumatına görə, bunu Azərbaycan Ekologiya və Təbii Sərvətlər Nazirliyinin Hidrometeorologiya Elmi Tədqiqat İnstitutunun direktoru Rza Mahmudov deyib. O bildirib ki, həmişə qlobal istiləşmədən sonra soyuqlaşma dövrü başlayır: “Buna görə də yaxın 30-40 il ərzində Şimali Avropa ölkələrində soyuqlaşmanın baş verəcəyi gözlənilir. İngiltərədə hətta qısa müddət ərzində buzlaşmanın ola biləyi də proqnozlaşdırılır”. R. Mahmudov gələcəkdə Azərbaycanda da belə halların müşahidə olunacağını istisna etməyib.