Sosial

Ana səhifə

Sosial

Vakant dövlət qulluğu vəzifələrinin tutulması üzrə müsahibədə iştirak üçün sənəd qəbulu başa çatıb

25 iyun 2008 09:39 (UTC +04:00)

Bakı. Məhbubə Qasımbəyli-APA. İyunun 5-də Azərbaycan Respublikasının Prezidenti yanında Dövlət Qulluğu Məsələləri üzrə Komissiya tərəfindən müsahibəyə təqdim edilən 142 vakant dövlət qulluğu vəzifələrinin tutulması üçün sənəd qəbulu başa çatıb. Komissiyanın mətbuat xidmətindən APA-ya verilən məlumata görə, komissiyada 98 namizəd qeydə alınıb, onlardan 19-u qadın, 79-u isə kişidir. Məlumata görə, 12 dövlət orqanında inzibati vəzifələrin altıncı - doqquzuncu təsnifatlarını əhatə edən bu vəzifələrdən 83-ü Əmək və Əhalinin Sosial Müdafiəsi Nazirliyi üzrədir. Qeydə alınmış 98 namizəddən 47-si məhz bu dövlət qurumuna sənəd veriblər. Müsahibədə 1 vakant vəzifə ilə iştirak edən Sənaye və Energetika Nazirliyi üzrə heç bir namizəd qeydə alınmayıb.