“2023-cü ilin sonuna qədər Azərbaycanın bütün meşə fondu ərazilərinin elektron xəritələri yaradılacaq”.
APA xəbər verir ki, bunu Meşələrin İnkişafı Xidmətinin rəis müavini Mohuma Heraçiyev deyib.
O, bildirib ki, “Azərkosmos” və Ekologiya və Təbii Sərvətlər Nazirliyi arasında danışıqlar aparılır:
“Danışıqlar uğurlu nəticə verərsə, hazırlanacaq yeni proqram çərçivəsində ağac növlərinin, meşə və kol cinslərinin bir-birindən ayırd edilməsi üçün texniki imkanlar yaranacaq. Eyni zamanda, innovativ tədbirlərdən biri də meşə fondu torpaqlarının region xəritələrinin yazılmasıdır. Bununla bağlı İqtisadiyyat Nazirliyi yanında Əmlak Məsələləri Dövlət Xidməti ilə müqavilə bağlanılıb. 2023-cü ilin sonuna qədər meşə fondu ərazilərinin xəritələrinin elektronlaşdırılması yekunlaşdırılacaq. Artıq 19 rayon üzrə meşə ərazilərində ölçmə işləri aparılıb. Bəzilərində artıq kameral işlər də yekunlaşdırılıb”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
