Səbail rayonu, Badamdar qəsəbəsi, Tofiq Məmmədov küçəsi 12b ünvanında 1 hektarlıq ağaclıq ərazinin hasara alınması və kəsilməsi təhlükəsi yaranıb.
Bu barədə bir qrup sakin APA-ya müraciətində bildirib.
APA mövzu ilə bağlı Ekologiya və Təbii Sərvətlər Nazirliyinə sorğu ünvanlayıb.
Ərazinin hasara alınması və ağacların kəsilmə təhlükəsinin olması ilə bağlı Dövlət Ekoloji Təhlükəsizlik Xidmətində məsələ araşdırılıb. Xidmət rəsmisi Vaqif Cavadov sorğumuza cavab olaraq bildirib ki, sözügedən ünvana keçirilən baxış zamanı hasara alınan yaşıllıq ərazidə ağac kəsintisi faktının olmadığı müəyyən edilib: “Faktla bağlı akt tərtib olunub. Ağaclar sayılaraq qeydiyyata alınıb və qorunub saxlanılması məqsədilə ərazinin mülkiyyətçisinə təhvil verilib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
