"İsmayıllıda 1 saylı körpələr evində 2 yaşlı uşağın tərbiyəçi tərəfindən zorakılığa məruz qalması ilə bağlı video yayımlanıb. Uşağa qarşı istənilən mühitdə istənilən şəxs tərəfindən zorakılıq yolverilməzdir”.
APA-nın məlumatına görə, bunu brifinqdə Ailə, Qadın və Uşaq Problemlərin üzrə Dövlət Komitəsinin Hüquq şöbəsinin müdiri Taliyyə İbrahimova deyib.
O bildirib ki, təhsil müəssisələrində uşaqlara qarşı belə zorakılıq hallarına əvvəlki illərdə də tez-tez rast gəlinib. Məktəbəqədər təhsil müəssisəsində tərbiyəçinin belə hərəkətə yol verməsi məsuliyyət yaradacaq. Buna hüquqi qiymət veriləcək”.