Gürcüstana külli miqdarda narkotik vasitə keçirməyə cəhd göstərən Türkiyə vətəndaşı saxlanılıb.
APA-nın yerli bürosu xəbər verir ki, bu barədə Gürcüstan Maliyyə Nazirliyinin Gəlirlər Xidməti məlumat yayıb.
Bildirilib ki, Tbilisi hava limanında şübhəli Türkiyə vətəndaşının səyahət çantasına baxış zamanı xüsusi qaydada gizlədilmiş 2 kq kokain aşkarlanaraq götürülüb.
Tapılan narkotik vasitə Gürcüstan Daxili İşlər Nazirliyinin (DİN) Kriminal Polis Departamentinə təhvil verilib.