Bu gün Naxçıvandan Türkiyəyə zəlzələdən zərər çəkənlər üçün humanitar yardım göndəriləcək.
Bunu APA-nın Naxçıvan bürosuna açıqlamasında Türkiyənin Naxçıvandakı Baş konsulu Asip Kaya bildirib.
Qeyd edilib ki, zəlzələdən zərər çəkənlərə humanitar yardımla bağlı insan axınının ardı-arası kəsilmir. Artıq Naxçıvanda yaşayan sakinlərin yardımları nəticəsində 10 TIR ləvazimat toplanılıb. Bu gün onların bir hissəsi 4 TIR-la Türkiyəyə yola salınacaq.