Bir neçə məktəb var ki, obyektiv səbəblərdən istiliklə bağlı ciddi problemlər ola bilir.
APA xəbər verir ki, bunu elm və təhsil naziri Emin Əmrullayev media üçün keçirilən brifinqdə deyib.
"Media nümayəndələri yəqin ki, növbəti həftələrdə ayrı-ayrı məktəblərin soyuq otaqlarını çəkib göstərəcəklər, biz də onlara baxacağıq. Lakin hazırda məktəblərin 95 faizində istiliklə bağlı problem yoxdur".
Nazir qeyd edib ki, 5745 təhsil müəssisəsindən 508-i dizel yanacağı, 445-i elektrik işığı, 2034-ü odunla, 2758 qazla qızdırılır.