“Yerli təhsil idarəetmə qurumlarının rəhbərləri artıq birbaşa Təhsil Nazirliyinin tabeliyində olacaq. Təhsilin vahid yerdən idarə olunması səmərəliliyi qaldırır”.
APA-nın xəbərinə görə, bunu təhsil naziri Emin Əmrullayev dövlət başçısının dünən təhsillə bağlı imzaladığı sərəncamlara dair brifinqdə bildirib.
Onun sözlərinə görə, təhsil prosesi o zaman effektiv olur ki, hamı öz işini düz görür: “Məncə biz forma dəyişikliklərindən yox, daha çox mahiyyət dəyişikliyindən danışmalıyıq. Direktoru kimin təyin etməsinin fərqi yoxdur. Əsas bu prosesi şəffaf qurmaqdır”.