“Milli Preventiv qrupun üzvləri üçün müəyyən olunmuş 25 yaş məhdudiyyəti aradan götürülməlidir. Çünki biz Konstitusiyada yaş məhdudiyyətini götürmüşük”.
APA xəbər verir ki, bunu Milli Məclisin Hüquq siyasəti və dövlət quruculuğu komitəsinin bu gün keçirilən iclasında komitə sədrinin müavini Qüdrət Həsənquliyev deyib.
O bildirib ki, Milli Preventiv qrupun say tərkibi qanunda əksini tapsa, yaxşı olar: “14 iqtisadi rayon var. Preventiv qrupun də regionlar üzrə 14 üzvü olsa, daha yaxşı olardı. Başqa bir diqqətçəkən məsələlərdən biri məlumatların 5 gün müddətində alınması ilə bağlıdır. Çünki Ombudsmana müraciətlər insan hüquqlarının pozulması ilə bağlıdır və bu müraciətə 3 gün ərzində cavab verilə bilər. Ombudsmanın sonuncu hesabatında Gəncə İnzibati Məhkəməsi ilə bağlı və s. məsələlər hesabata daxil edilmişdi. Dünən maraqlandım ki, Ombudsmanın parlamentdə qaldırdığı bu məsələ ilə bağlı hələ də qətnamə qəbul edilməyib. Bunu görən sahibkarlar Azərbaycana necə pul, investisiya qoya bilər?! Gəncə İnzibati Məhkəməsi hələ də Ombudsmanın müraciətinə cavab vermir. Bu, belə olmamalıdır. Məsuliyyətin artırılması və sərtləşdirilməsi məsələsini qanunda qoymalıyıq. Ombudsmanın və Milli Preventiv qrupun üzvlərinin sorğularına cavab verməyən və işinə mane olan şəxslər birbaşa cinayət məsuliyyətinə cəlb edilməlidir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
