Gürcüstanın paytaxtı Tbilisidə ənənəvi “Tbilisoba” şəhər bayramı keçirilir.
APA-nın yerli bürosu xəbər verir ki, bu il pandemiyanın başlamasından sonra ilk dəfə keçirilən festivalda Azərbaycanın Gürcüstandakı səfirliyinin dəstəyi və Mirzə Fətəli Axundov adına Azərbaycan Mədəniyyəti Muzeyinin təşkilatçılığı ilə Azərbaycan pavilyonu da yaradılıb. Pavilyonda şəhər sakinləri və əcnəbilərə Azərbaycan milli mətbəxinin təamları, müxtəlif şirniyyatlar, milli musiqi alətləri, milli geyimlər, suvenirlər, canlı tar musqisi və.s təqdim olunub. Tbilisi Sakrebulosunun (şəhər şurası) sədri Giorgi Tkemaladze Azərbaycan pavilyonunu ziyarət edərək burada nümayiş olunan mədəni nümunələrlə tanış olub. O, şəhər bayramına göstərilən diqqətə görə Azərbaycana təşəkkür edib.
Bu ilki bayram tədbirlərində Bakı şəhər İcra Hakimiyyətinin başçısı Eldar Əzizov, keçmiş xarici işlər naziri Həsən Həsənov fəxri qonaq qismində iştirak ediblər.
Qeyd edək ki, ənənəvi oktyabr festivalı olan “Tbilisoba” ilk dəfə 1979-cu ildə keçirilib. Festivalın keçirilməsi 1990-cı ildə dayandırılsa da 1995-ci ildən bərpa olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
