Allahşükür Paşazadə şəhidlərin məzarlarını ziyarət edib

Allahşükür Paşazadə şəhidlərin məzarlarını ziyarət edib
# 20 iyul 2020 18:56 (UTC +04:00)

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə başda olmaqla bir qrup din xadimi qəhrəman Vətən oğullarının xatirəsini yad etmək üçün İkinci Fəxri xiyabanda olublar.

Bu barədə APA-ya QMİ-nin mətbuat xidmətindən bildiriblər.

Azərbaycanın Tovuz rayonu istiqamətində Ermənistan silahlı qüvvələrinin törətdiyi hərbi təxribatın qarşısını alarkən şəhid olmuş general-mayor Polad Həşimovun, polkovnik İlqar Mirzəyevin, habelə Azərbaycanın Milli qəhrəmanları Mübariz İbrahimovun və Fərid Əhmədovun məzarlarını ziyarət edən QMİ sədri, İdarənin rəsmiləri və din xadimləri şəhidlərimizə Allahdan rəhmət diləyərək, məzarlarına tər çiçəklər düzüb, ruhları üçün dualar ediblər.

#
#

ƏMƏLİYYAT İCRA OLUNUR