Bakıda XI sinif məzunlarından 19-u qızıl, 7-si gümüş nişana layiq görülüb

Bakıda XI sinif məzunlarından 19-u qızıl, 7-si  gümüş nişana layiq görülüb
  • Clock-gray 11:37
  • calendar-gray 21 Sentyabr 2020

Bakı məktəblərinin məzunları qızıl və gümüş nişanla təltif olunub. Təhsil nazirinin müvafiq əmrinə əsasən, Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin XI sinif məzunlarından 19-u qızıl, 7-si  gümüş nişana layiq görülüb. 

İdarədən APA-ya verilən məlumata görə, əmrdə ümumi təhsili xüsusi nailiyyətlərlə başa vuran məzunların adları və sayı açıqlanıb. Belə ki, ümumilikdə respublika üzrə ötən tədris ilində təhsil müəssisələrini bitirən məzunlardan 125-i qızıl, 76-sı isə gümüş nişanla təltif olunub.

Qeyd edək ki, qızıl və gümüş nişana namizədlər Nazirlər Kabinetinin müvafiq qərarı ilə təsdiq olunmuş “Ümumi təhsili xüsusi nailiyyətlərlə başa vuran məzunların qızıl və ya gümüş nişanla təltif olunma Qaydası”na əsasən müəyyənləşdirilib.

Günay Elşadqızı

Digər xəbərlər