Dövlət İmtahan Mərkəzi 16 fevral 2020-ci il tarixdə dövlət qulluğunun B növünə aid vəzifələrin tutulması məqsədilə keçirilən test imtahanında uğur qazanmış şəxslərə müraciət edib.
DİM-dən APA-ya verilən məlumata görə, test imtahanında uğur qazanmış və sertifikat almaq hüququ əldə etmiş namizədlərin sertifikatlarının verilməsinə başlanılır.
16 fevral 2020-ci il tarixdə Dövlət İmtahan Mərkəzi tərəfindən dövlət qulluğunun B (inzibati icraçı) növünə aid vəzifələrin tutulması məqsədilə keçirilən test imtahanında uğur qazanmış və sertifikat almaq hüququ əldə etmiş namizədlər DİM-in saytından elektron növbə götürməklə sertifikatlarını şəxsiyyəti təsdiq edən sənədi təqdim etməklə Mərkəzin Koroğlu Rəhimov küçəsi, 108 ünvanında yerləşən inzibati binasından və ya DİM-in Naxçıvan, Gəncə, Şəki, Lənkəran, Göyçay, Şəmkir, Şirvan, Bərdə və Xaçmaz Regional Bölmələrindən əldə edə bilərlər.
Namizədlər DİM-in qeyd olunan inzibati binalarına gəlmək üçün Mərkəzin saytından onlayn növbə götürməlidirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
