I dərəcə gözdən əlilliyi olan şəxslərə Prezident təqaüdünün təsis edilməsi haqqında Fərman verilb

I dərəcə gözdən əlilliyi olan şəxslərə Prezident təqaüdünün təsis edilməsi haqqında Fərman verilb
  • Clock-gray 14:33
  • calendar-gray 31 Dekabr 2020

Azərbaycan Respublikası Prezidenti İlham Əliyev ümumi səbəblərdən I dərəcə gözdən əlilliyi olan şəxslərə Azərbaycan Respublikası Prezidentinin təqaüdünün təsis edilməsi haqqında Fərman verib.

APA bildirir ki, Fərmanda aşağıdakılar bildirlir:

“1. Ümumi səbəblərdən I dərəcə gözdən əlilliyi olan şəxslərə Azərbaycan Respublikası Prezidentinin təqaüdü təsis edilsin və onun aylıq məbləği 210 manat müəyyən olunsun.

2. Müəyyən edilsin ki, bu Fərmanın 1-ci hissəsi ilə təsis edilən Azərbaycan Respublikası Prezidentinin təqaüdünü dövlət büdcəsində Azərbaycan Respublikasının Əmək və Əhalinin Sosial Müdafiəsi Nazirliyinə nəzərdə tutulmuş xərclər hesabına həmin nazirlik ödəyir.

3. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

4. Bu Fərman 2021-ci il yanvarın 1-dən qüvvəyə minir”.

apa-logo-mini

Digər xəbərlər