“İndiyə qədər də Azərbaycanda şəhid ailələri, Qarabağ əlillərinin mənzil və avtomobillərlə təminatı həyata keçirilirdi. İkinci Qarabağ müharibəsindən sonra bu məsələyə diqqət daha da artıb”.
APA-nın məlumatına görə, bunu bu gün Milli Məclisin plenar iclasında “Dövlət Sosial Müdafiə Fondunun 2021-ci il büdcəsi haqqında” qanun layihəsinin müzakirəsi zamanı parlamentin Regional məsələlər komitəsinin sədri Siyavuş Novruzov bildirib.
S. Novruzov deyib ki, Birinci Qarabağ Müharibəsi iştirakçıları da yaddan çıxmamalıdır: “O insanlar döyüşən zaman nə silah, nə Ali Baş Komandan var idi. O insanlar taborlarla döyüşmüşdülər, onların arasında şəhid və əlil olanlar var. Gələcəkdə onların da müavinət və pensiyalarının artırılmasına diqqət yetirilməlidir ki, ayrı-seçkilik olmasın”.
Millət vəkili Azər Badamov qeyd edib ki, hər il pensiya və müavinətlər artırılır və bu da sosial siyasətin uğurlu olmasının göstəricisidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
