Noyabrın 23-28-də 16 yaşadək qızlar arasında Şərqi Avropa Voleybol Zonaları Assosiasiyalarının (EEVZA) çempionatı keçiriləcək.
APA-nın məlumatına görə, Gürcüstanın paytaxtı Tbilisidə 9 ölkənin iştirakı ilə baş tutacaq yarışda Azərbaycan millisi də qüvvəsini sınayacaq.
Yeni baş məşqçi Emin Əbilovun rəhbərlik edəcəyi komanda A qrupunda Azərbaycan, Gürcüstan, Latviya, Rusiya və Ukrayna ilə oynayacaq. B qrupunda isə Belarus, Estoniya, Litva və Polşa milliləri mübarizə aparacaqlar. Reqlamentə əsasən, qrup qalibləri finalda iştirak hüququ qazanacaqlar. İkinci yerin sahibləri isə bürünc medalçını müəyyənləşdirəcəklər.
Qeyd edək ki, U-16 yarışa hazırlıq məqsədilə təlim-məşq toplanışındadır. E. Əbilovun sərəncamında 18 voleybolçu var.
23 noyabr
15:00. Azərbaycan - Ukrayna
17:30. Gürcüstan - Rusiya
24 noyabr
15:00. Gürcüstan - Latviya
17:30. Rusiya - Ukrayna
25 noyabr
10:00. Latviya - Rusiya
15:00. Azərbaycan – Gürcüstan
26 noyabr
12:30. Rusiya - Azərbaycan
17:30. Ukrayna – Latviya
27 noyabr
10:00. Latviya - Azərbaycan
15:00. Ukrayna – Gürcüstan
28 noyabr
10:00. 7-ci yer uğrunda (A4-B4)
12:30. 5-ci yer uğrunda (A3-B3)
15:00. 3-cü yer uğrunda (A2-B2)
17:30. Final (A1-B1)
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
