Turizm

Ana səhifə

Turizm

Mədəniyyət və Turizm Nazirliyi Azərbaycana gələn turistlərin sayını 3-5 mln. nəfərə çatdırmaq niyyətindədir

28 aprel 2010 12:39 (UTC +04:00)

Bakı. Aynur Vəliyeva - APA-Economics. Azərbaycana xarici ölkələrdən gələn turistlərin sayı 1 mln. 490 min nəfərə, ölkədən turist səyahətlərinə gedənlərin sayı isə 2 mln. nəfərə yaxın təşkil edir.

«APA-Economics»in məlumatına görə, bunu Azərbaycanın mədəniyyət və turizm naziri Əbülfəs Qarayev jurnalistlərə açıqlamasında bildirib.

Qarşıda duran məqsədlərdən bəhs edən nazir “Bizim məqsədimiz Azərbaycana gələn turistlərin sayının 3-5 milyonadək artırılmasıdır” - deyib.

Qiymətlərə gəldikdə isə Ə.Qarayev bildirib ki, hotellərin sayı artdıqca, qiymət endirimi də gözləmək olar. Amma turizm sahəsində fəaliyyət göstərən şirkətlərin xidmətləri standartlara cavab vermədiyi halda, onlara xidmət keyfiyyətinə və səviyyəsinə görə lisenziyalar verilməyəcək: “Hazırda Azərbaycanda fəaliyyət göstərən 40 hotelə nazirliyin lisenziyası verilməyib, çünki onların göstərdikləri xidmət səviyyəsi standartlara uyğun deyil”.