Turizm

Ana səhifə

Turizm

ABŞ-a gəliş xərcləri bahalaşıb

08 sentyabr 2010 08:00 (UTC +04:00)

Bakı - APA-Economics. ABŞ ölkəyə giriş xərclərini artırıb. “APA-Economics”in “Associated Press”ə istinadən xəbərinə görə, bu barədə ABŞ-ın Gömrük və Sərhəd Xidməti açıqlama yayıb.

Bu addım sərhədi keçənlərin elektron qeydiyyatı sisteminin işinə xərclərin artması ilə əsaslandırılıb. Beləliklə, sentyabrın 8-dən etibarən ABŞ-a vizasız daxil olma hüququ olanlar ölkəyə gəlməmişdən öncə əvvəlki kimi 10 dollar deyil, 14 dollar ödəməlidirlər.

Vizasız rejim bir sıra ölkələrin (Andorra, Norveç, Avstraliya, İrlandiya, Portuqaliya, Avstriya, İtaliya, San-Marino, Belçika, Yaponiya, Sinqapur, Bruney, Cənubi Koreya, Slovakiya, Çexiya, Latviya, Sloveniya, Danimarka, Lixtenşteyn, İspaniya, Litva, İsveç, Finlandiya, Lüksemburq, İsveçrə, Fransa, Malta, Böyük Britaniya, Almaniya, Monako, Yunanıstan, Niderland, Macarıstan i Yeni Zelandiya) vətəndaşlarına turizm və qısa biznes ziyarəti məqsədilə 90 gün müddətinə ABŞ-a səfər etmək imkanı verir.