Azərbaycanın ABŞ-dakı səfiri ölkəmizə qarşı səsləndirilən qərəzli iddialara cavab verib

Azərbaycanın ABŞ-dakı səfiri ölkəmizə qarşı səsləndirilən qərəzli iddialara cavab verib
  • Clock-gray 08:31
  • calendar-gray 02 Noyabr 2020

ABŞ-ın “Washington Times” qəzetinə müsahibəsində Azərbaycan səfiri Elin Süleymanov son zamanlar bəzi mətbu orqanlarında guya ki, Azərbaycan və Ermənistan arasında gedən döyüşlərdə suriyalı muzdluların iştirak etməsi kimi qərəzli və  əsassız iddialara cavab verərək bunun Sovet sayağı propoqanda olduğunu bildirib.

Azərbaycanın ABŞ-dakı Səfirliyindən APA-ya verilən məlumata görə, səfir qeyd edib ki, Ermənistan tərəfinin bu kimi cəfəng iddialar yaymaqda əsas məqsədi üçüncü tərəfi münaqişəyə birbaşa cəlb etmək üçün bəhanə yaratmaqdır. Səfir “Waşinqton Post” və digər mətbu orqanlarında yayılan məlumatların faktlara əsaslanmamasını, eləcə də döyüşlərin başlamasından 1 ay müddət keçməsinə baxmayaraq, bu iddiaların heç bir sübutunun tapılmamasını vurğulayıb. Azərbaycan silahlı qüvvələrinin belə döyüşçülərin köməyinə ehtiyacı yoxdur, - deyə səfir bildirib.

E.Süleymanov təəssüflə bildirmişdir ki, faktların yoxlanılmaması və “tənbəl” jurnalistika” bu kimi saxta iddiaların qərb mediasında yayılmasına səbəb olmuşdur.

Sözügedən məqalə ilə https://www.washingtontimes.com/news/2020/nov/1/elin-suleymanov-azerbaijan-ambassador-denies-syria/?fbclid=IwAR1v6-kdJPf-qhir3JJ6ek9BTAqATbYDERJRvuMdkO4OQC9PNJYmMeI4DBg internet səhifəsindən tanış olmaq mümkündür.

 Eyni zamanda nüfuzlu “Neweek” jurnalına ABŞ-dakı prezident seçkilərini şərh edən səfir Süleymanov bildirib ki, Azərbaycan bu seçkilərdə tərəf tutmur, lakin seçkilərdən kimin qalib gələcəyindən asılı olmayaraq, gələcək adminstrasiya bölgəmizdə sülhün bərqərar edilməsi üçün  obyektiv, qərəzsiz və balanslı vasitəçi olmalıdır.

apa-logo-mini

Digər xəbərlər