ABŞ ordusunun son günlərdə Suriyadakı bir sıra hərbi bazaları tərk etməsi barədə KİV-də gedən məlumatlar həqiqəti əks etdirmir.
APA TASS-a istinadən xəbər verir ki, bu barədə Pentaqonun mətbuat xidmətinin yaydığı açıqlamada deyilir.
“Bu məlumatlar doğru deyil”, - deyə ABŞ Müdafiə Nazirliyinin nümayəndəsi İran KİV-lərində dərc olunmuş müvafiq məlumatları şərh edərkən bildirib.
Məlumat qeyd olunurdu ki, ABŞ hərbi qüvvələri bu həftə Əfqanıstandakı hərbi kampaniyası başa çatdıqdan qısa müddət sonra Suriyadakı üç bazadan çıxarılıb.